ملک صاحب صفاکدل اور دری بل خانیار میں

بجلی کی عدم دستیابی پر عوام نالاں

11 فروری 2019 (00 : 01 AM)   
(      )

ارشاد احمد
سرینگر//شہر سرینگر کے بیشتر علاقوں میں بجلی کی ناقص اور ابتر صورتحال پر مقامی آبادی نے محکمہ بجلی کے خلاف غم و غصہ اور برہمی کا اظہار کیاہے۔ملک صاحب صفاکدل کے شہریوں نے علاقے کو فراہم کی جانے والے برقی رو کی ابتر صورتحال پر اظہار برہمی کرتے ہوئے کہا کہ انہیںشیڈول کے مطابق بجلی فراہم نہیں کی جاتی ۔ لوگوں کاکہنا ہے کہ جب بھی بجلی فراہم کی جاتی ہے اس وقت بہت کم وولٹیج ہوتا ہے ۔ملک صاحب صفاکدل کو رسیوینگ اسٹیشن گندر پورہ سے بجلی سپلائی فراہم ہوتی ہے جہاں اکثر بیشتر فیڈر خراب رہتا ہے۔ادھر دری بل خانیار میں بھی ناقص بجلی سپلائی کے باعث مقامی آبادی محکمہ بجلی کے خلاف سراپا احتجاج ہے۔مقامی آبادی نے مانگ کی ہے کہ بجلی سپلائی شیڈول کے مطابق فراہم کی جائے ۔
 

تازہ ترین