گرتے پتھروں کی وجہ سے کشتواڑ۔ڈوڈہ شاہراہ دو گھنٹوں تک بند

15 مارچ 2019 (00 : 01 AM)   
(      )

ڈار محسن
کشتواڑ//کشتوڑ۔ڈوڈہ شاہراہ NH-244پر جمعرات کے روز تقریباً 2گھنٹوں تک ٹریفک معطل رہا ۔ اطلاعات کے مطابق کلیگڑھ میں گُذشتہ کئی دنوں سے بارشوں اور گرتے پتھروںکی وجہ سے ٹریفک جمعرا ت کے روز دو گھنٹوں تک معطل رہی۔ ڈی ایس پی ٹریفک زوہیب حسین نے کشمیر عظمیٰ کو بتایا کہ کلیگڑھ علاقہ میںسڑک کے دونوں اطراف گرتے پتھروں کی وجہ سے ہم نے شاہرہ پر نقل و حرکت دو گھنٹوں تک معطل رکھی،تاکہ کوئی نقصان نہ ہو۔یہ بات قابل ذکر ہے کہ لگاتار پسیاں گر آنے اور گرتے پتھروں سے شاہراہ پر ٹریفک کی نقل و حرکت معطل کردی گئی۔دریں اثنا، ٹریفک معطل رہنے کی وجہ سے مسافر بردار گاڑیوں ،ایمبولنس اور پرائیویٹ ٹرانسپورٹ کی بہت سی گاڑیاں شاہراہ پر دو گھنٹوں تک در ماندہ رہی ۔شاہراہ پر ملبہ ہٹانے کے بعد مسافروں اور گاڑیوں کو شاہراہ پر چلنے کی اجازت دی گئی۔

تازہ ترین