تازہ ترین

کیرن علاقہ میں بارودی دھماکہ | شہری جا ں بحق ،دوکاندارگرفتار

5 اگست 2019 (00 : 12 AM)   
(      )

اشرف چراغ
کپوارہ // کپوارہ کے حد متارکہ پر کیرن گائو ں میں بارودی دھماکہ ہوا  ہے جسمیں ایک شہری موقع پر ہی جا ں بحق جبکہ ایک زخمی ہوا ۔اتوار کی صبح کیرن میں پرائمری ہیلتھ سنٹر کے متصل ایک ٹیلر دکان کے باہر زور دار بارودی دھماکہ ہوا جسمیں ٹیلر ماسڑ پرویز احمد خواجہ ساکن فرکن میلیال کرالہ پورہ معمولی زخمی ہوگیا تاہم دکان کے قریب موجودعبدالحمید سانگو ولد عبد الرشید سانگو ساکن فرکن میلیال کرالہ پورہ موقع پر ہی جا ں بحق ہوگیا۔ فوج اور پولیس نے ٹیلر ماسٹر پرویزا حمد کے دکان کی تلاشی لی جس کے دوران 15سے ہتھ گولے بر آمد کئے گئے اور پرویز احمد کو گرفتار کیا گیا ۔واضح رہے کہ  سنیچر کواسی طرح کے ایک واقعہ میں نستہ ژھن گلی (سادھنا ) کے نزدیک کھپی بہک گبر ہ کرناہ کے رہنے والے شبیر احمد کا پیر بارودی شل سے ٹکرا گیا اور وہ دھماکے میں جاں بحق ہوا۔